btulachan Seoul,Korea
काम..... काम..... काम.... कामै गर्न कोरिया आएको हामीहरुलाई लभ ईन नेपालले कोरियाली महान चाडको संघारमै भलिबल प्रतियोगिताको आयोजना गरेर निक्कै अप्ठ्यारोमा पारि दियो । साथै कोरियाबासी खेलप्रेमीहरुलाई पानि । छुसकको संघारमा आयोजना गरेको यस प्रतियोगितालाई प्रतिकूल असर पार्न सक्ने सम्भावनालाई त मैले केहि दिन अगाडी यसै ब्लगमा लेखेको थिएं ।
नभन्दै त्यस्तै भयो । आयोजकलाई घाटा नाफा त अर्कै ठाऊमा छ तर १४ वटा टीमले गोला ठुटेर टाईशित तयार पारिएको खेलमा २ टीमले त वाकओभर नै दिनु पर्यो । बांकी १२ टीममा पनि बिगतमा खेलेका कतिपय राम्रा खेलाडीहरुको अनुहारै देख्न पाईएन । भलिबल खेल प्रेमी दर्शकहरुको पनि एक टिहाई उपस्थित भएन । तर १२ टीमको प्रतिस्प्रर्धा भएको लभ ईन नेपालको यस प्रतियोगितालाई असफल भन्न भने मिल्दैन । काम..... काम..... काम.... कामै गर्न कोरिया आएको हामीहरुलाई लभ ईन नेपालले कोरियाली महान चाडको संघारमै भलिबल प्रतियोगिताको आयोजना गरेर निक्कै अप्ठ्यारोमा पारि दियो । साथै कोरियाबासी खेलप्रेमीहरुलाई पानि । छुसकको संघारमा आयोजना गरेको यस प्रतियोगितालाई प्रतिकूल असर पार्न सक्ने सम्भावनालाई त मैले केहि दिन अगाडी यसै ब्लगमा लेखेको थिएं ।
कोरियाका कुनै पनि भलिबल प्रतियोगितामा आफ्नो सहभागितालाई नछुताएको म्याग्दी समाजले गोलाप्रथामा सहभागिता जनाए पनि प्राय: खेलाडीहरुको काम परेकोले सुरुमा त खेलाडी पुर्याउनै हम्मे हम्मे पर्यो । जेहोस खेलाडीहरुको संख्यालाई ६ पुर्याउंदै सहभागि जनाएको यस प्रतियोगितामा म्याग्देली खेलाडीहरुले नपत्याउंदो सफलता हांशिल गर्दै सेमिफाईनल सम्म पुगे । पहिलो खेलमा खोताङ संग बिजय हांशिल गर्दै दोश्रो चरणमा प्रबेश गर्यो । दोश्रो चरणमा रेशुङगा युवा क्लबलाई समेत पछाडी पार्दै सेमिफाईनलमा पुगेकोमा स्याङजा सितको खेलमा २-१ ले पराजित हुन पुग्यो म्याग्दी । तर यसपालीको खेलले कतिपय म्याग्देली खेलाडीहरुले आफूमा भएको खेल क्षमता प्रर्दशन गर्ने मौका पाए । जस मध्य बिगतमा डिफेन्स खेल्दै आएका खेलाडी भबिन्द्र पुनले शटरको रुपमा राम्रो खेल प्रर्दशन गरे । सायदै हिजोको खेलमा बेष्टप्लेयरको दाबेदार भबिन्द्र बाहेकका अर्को खेलाडी हुनै सक्दैन । तर आयोजक र निर्णायकले निश्चित गर्नुपर्ने बिषय हो यो । जेहोस म्याग्देली खेलाडीहरुको नयां जोश र उमंगले अर्को महिनाको १० तारिखमा स्यांङजा परिवारको आयोजनामा हुन गईरहेको खेलमा थप आशा जगाईदिएको छ । धन्यबाद हाम्रा खेलाडीहरुलाई.............