म्याग्दी समाज समिति दक्षिण कोरियाले पर्वत समाजको निमन्त्रणामा कोरिया पाल्नु भएका म्याग्देली कलाकार तथा निर्देशक मौशम पुनको भब्य रुपमा सम्मान गरेको छ । पर्वत समाजले आयोजना गरेको गुप्तेश्वर सांस्कृतिक सौगात कार्यक्रमको आयोजना भईरहेकै दिन सम्मानको लागि आयोजक संगको सहमतिमा बिशेस समय मिलाई कलाकार मौशम पुनको सम्मान गरेको हो । सम्मानमा समाजका अध्यक्ष नर बहादुर पुन लगायतका पदाधिकारीहरुको उपस्थितिमा सम्मान गरिएको थियो ।
उक्त दिनको सांझ सउल तोङदेमुन स्थित नमस्ते रेष्टुरेण्टमा म्याग्दी समाजको आयोजनामा कोरियामा कार्यरत करिव ५० जना म्याग्देलीहरु र कलाकार मौशम पुनको उपस्थितिमा भेटघाट कार्यक्रमको आयोजना गरेको छ । उक्त भेटघाट कार्यक्रममा सांस्कृतिक कार्यक्रम स्थलमा उपस्थित म्याग्देलीहरुलाई कलाकार सहयोगार्थ गरिएको संकलित रकम ८७५,००० ओन अर्थात नेरु करिव साठी हजार रुपैयां समाजका अध्यक्ष नर बहादुर पुनले हस्तान्तरण गर्नु भएको थियो । कार्यक्रममा करिव २५ जना म्याग्देलीहरुले दोसल्ला ओदयाई सम्मान गरेका थए । सबै फोटो उपलब्ध नभएकोले थप फोटोहरु केहि दिन पछि ।
