म्याग्दी समाज समिति दक्षिण कोरिया आठौ कार्य समितिको पहिलो बैठक हिंजो आईतबार राजधानी सउलको तोङदेमुन स्थित नमस्ते रेष्टुरेण्टमा सम्पन्न भएको छ ।
समाजका अध्यक्ष नर बहादुर पुनको अध्यक्षतामा सम्पन्न बैठकमा नव कार्य समितिका ९०% सदस्यहरुको उपस्थितिरहेको थयो । बैठकले आगामी मे महिनाको ३० तारिखको दिन प्रतिस्प्रर्धात्मक भलिबल खेलको आयोजना गर्ने , आगामी अप्रिल महिनाको पहिलो शनिबार म्याग्देली खेलाडीहरुको सम्मान कार्यक्रमको मिति निर्धारण लगायतका अन्य महत्वपुर्ण निर्णयहरु गरेको छ । हिजो भएको पहिलो बैठकको निर्णयहरु मध्य कार्य समितिहरुको बैठकमा उपस्थिति सम्बन्धि रहेको छ । जस्मा आगामी दिनहरुमा समितिको नियमित बैठकमा नव गठित कार्य समितिका कुनैपनि सदस्य बैठकको सुचना पाएर पनि (कम्पनीमा काम भएमा लागू नहुने तर जानाकारी दिनु पर्ने ) बिना जानाकारी लगातार २ पटक बैठकमा अनुपस्थित रहेमा एकमुष्ठ १०,००० ओन जरिवाना तिर्नु पर्ने भएको छ । साथै हरेक बैठकहरु दिनको १२:३० बजे देखि शुरु हुनेगरि १ बजे भन्दा ढिलो उपस्थिति हुने कुनैपनि सदस्यले ५,००० ओन जरिवाना तिर्नु पर्ने भएको छ । उक्त संकलित रकमबाट सोही दिनको चिया खर्चमा खर्च गरिने छ ।