म्याग्दी समाज समिति दक्षिण कोरियाले आयोजना गरेको प्रतिस्प्रर्धात्मक भलिबल खेल म्याग्दी रनिङ कप २०१० मा सहयोग पुर्याउनु हुने संघ संस्थाहरु लगायत सम्पूर्ण महानुभावहरुमा म्याग्दी समाज द्दारा धन्यबाद ज्ञापन गरिएको छ । आईतबार बसेको म्याग्दी समाज आठौ कार्य समितिको नियमित चौठो बैठक द्दारा म्याग्दी रनिङ कपमा सहयोग पुर्याउनु हुने संघ संस्था लगायत सम्पूर्ण महानुभावहरुमा धन्यबाद ज्ञापन गरिएको हो ।
म्याग्दी रनिङ कपमा कोरियाका प्राय: सबै कृयाशिल संघ संस्थाहरुले भाग्यशाली चिट्ठाको टिकट बिक्री गरि सहयोग गरेका थिए भने ११ संस्थाहरुले भलिबल टीम समेत पठाई सहयोग गरेका थिए । साथै कार्यक्रममा कोरियामा कार्यरत प्रबासी सुभेच्छुकहरुबाट समेत ठूलो सहयोग प्राप्त भएको थियो । बैठकले कार्यक्रममा भएको आम्दानी र खर्च हिसाबको कार्य समेत समापन गरेको छ । जस्मा बिगतका बर्षहरुको तुलनामा खर्च र आम्दानीमा केहि प्रतिशतले बृद्दि भएको देखिएको छ । कार्यक्रमबाट भएको आम्दानीमा थप कुनै आयमुलक कार्यक्रमको आयोजना गरेर म्याग्दी जिल्लाको सदरमुकाम स्थित एक मात्र म्याग्दी अस्पतालमा ईमर्जन्शी भवन निर्माण गर्ने लक्ष रहेको जनाईएको छ ।