यसपालिको म्याग्दी रनिङ कपमा कोरिया स्थित म्याग्देली ब्यबसायी रबिन छन्त्यालले म्याग्देली खेलाडीहरुलाई आबश्यक ड्रेस सेट सहयोग स्वरुप उपलब्ध गराउनु भएको छ । गत जुन ६ तारिख आईतबारको दिन आयोजित कार्यक्रम स्थलमा समाजका अध्यक्ष नर बहादुर पुन र म्याग्दी समाज खेलकूद अध्यक्ष झलक आचार्यलाई ब्यबसायी छन्त्यालले हस्तान्तरण गर्नु भएको हो । उहांले नौ जना खेलाडीहरुलाई आबश्यक् ड्रेस सेट उपलब्ध गराए पछि समाजका अध्यक्ष नर बहादुर पुनले सम्मान पत्र र फूलको गुच्छाले सम्मान गर्नु भएको थियो ।
को हुन ब्यबसायी रबिन छन्त्याल ?
म्याग्दी जिल्लाको अति बिकट मानिने गुर्जा गाबिसबाट १९९२ तिर कोरिया आई हाल कोरियाली नागरिक संगको घरजम पश्चात एक छोरा र एक छोरीका साथ यतै पारिवारिक जिबन बिताउंदै हुनुहुन्छ । कोरियाको सुवन शहर स्थित एक प्लास्टिक कम्पनीलाई संचालनमा ल्याउनु भएको छन्त्याल कोरियामा सफल म्याग्देली ब्यबसायीको रुपमा चिनिनु हुन्छ । उहांको कम्पनीमा हालै कोरिया सरकारले संचालनमा ल्याएको ईपिएस भीषा अन्तर्गतका बिदेशी मजदूरहरु कार्यरत रहेको बताईन्छ । नेपाली मूलका कोरियन नागरिक भईसकेका छन्त्यालले म्याग्दी समाजलाई बिगतमा समेत सहयोग गर्दै आउनु भएको छ ।
सम्मान पत्र र फूलको गुच्छाले सम्मान
ड्रेससेट ग्रहण समाजका अध्यक्ष नर बहादुर पुन
ड्रेस सेट ग्रहण खेलकूद अध्यक्ष झलक आचार्य
