स्याङजा परिवार दक्षिण कोरियाले आगामी हप्ता सेप्टेम्बर २५ तारिख आईतबार आयोजना गर्न लागेको आंधिखोला दशै रनिङ कप भलिबल खेल प्रतियोगितामा म्याग्दी समाज वाईमा पर्दै सिधै क्वाटर फाईनल खेलको लागि छनोट भएको छ । राजधानी सउलको तोङदेमुन स्थित फेवा रेष्टुरेण्टमा आयोजित प्रतियोगिताको टाईशीट तयार कार्यक्रम मार्फत गरिएको गोला प्रथा माध्यम बाट सिधै क्वाटर फाईनल खेलको लागि छनोट भएको हो । १० टीमले सहभागिता जनाएको उक्त प्रतियोगितामा म्याग्दी समाज समिति प्रतियोगिताको छैठौं खेल खेल्ने छ । उक्त प्रतियोगितामा सुदुर पश्चिम र तनहुं मध्यको बिजयी टीमलाई पछाडी पार्न सके सेमिफाईनल खेलमा गुल्मी र बाग्लुङ बिचको बिजयी टीम संग फाईनलको लागि भिड्नु पर्ने छ ।