आगामी हप्ता २९ तारिख खोटाङ समाज कोरियाले आयोजना गर्न लागेको हलेसी रनिङ कपमा म्याग्दी समाज खेलकूद समितिका सल्लाहकार झलक आचार्यको संयोजन र म्याग्दी समाज खेलकूद अध्यक्ष मुक्त केसीको नेतृत्वमा म्याग्दी समाज समिति दक्षिण कोरियाले सहभागिता जनाउने भएको छ । साथै उक्त दिन कोरिया आई पुगेका नव प्रबेषी र पुराना गरि १९ जना खेलाडीहरु मध्यबाट नौ जना खेलाडीहरुलाई आयोजनामा सहभागि गराईने छ । हालसालै कोरिया भित्रिएका म्याग्देली भलिबल खेलाडीहरुमा -रामकृष्ण पुन,बिजय कार्की,पुष्कल पुन,ईश्वर पौड्याल,दुत बहादुर छन्त्याल र दिनेश थापा रहेका छन भने पुराना खेलाडीहरुमा-झलक आचार्य,मुक्त केसी,भबिन्द्र पुन,कमल पुन,योगेन्द्र छन्त्याल,याम हर्मेल,अमर छन्त्याल,उदय बुढा,भीम पुर्जा,चम गर्बुजा,राज कुमार पुन र राम पुन रहेका छन । नयां भित्रिएका खेलाडीहरुको खेल कौशल हेरि बेष्ट नाईनको छनोट गरिने छ ।