म्याग्दी समाज समिति दक्षिण कोरियाले म्याग्दी जिल्लाको दोवा र भुरुङतातोपानी गाबिसमा गत असार २९ गतेको बाढी पहिरोबाट पिडित परिवारहरुको लागि आर्थिक संकलन गर्ने भएको छ । हिजो आईतबार बसेको म्याग्दी समाजको अनौपचारिक बैठकले उक्त निर्णय गरेको हो । बैठकले कोरियामा रहेका म्याग्देलीहरु लगायत प्रवासी नेपाली दाजुभाई तथा दिदीबहिनीहरुलाई सहयोगको लागि अनुरोध गर्दै संकलित रकमलाई जतिसक्दो छिटो पिडित परिवारलाई पठाउने निर्णय गरेको छ ।