नेपाली दुतावास दक्षिण कोरियाले नोभेम्बर ४ देखि ६ तारिख सम्म दक्षिण कोरियाको राजधानी सउलमा आयोजना गर्न लागेको “Empowering nepal 2012 ” विषयक तीन दिने अन्तर्राष्ट्रिय सेमिनारमा भाग लिन कोरिया आई पुग्नु भएका म्याग्दी उधोग बानिज्य संघका प्रतिनिधिहरुको सम्मानमा म्याग्दी समाज समिति दक्षिण कोरियाले आयोजना गरेको स्वागत तथा रात्रीभोज कार्यक्रम भब्यताको साथ सम्पन्न भएको छ । म्याग्दी समाजका अध्यक्ष भरत तुलाचनको सभापतित्व र म्याग्दी उधोग बानिज्य संघका अध्यक्ष कुबिर कुमार श्रेष्ठको प्रमुख आतिथ्यमा सम्पन्न कार्यक्रम गत शनिबार सांझ राजधानी सउल स्थित दुर्गा रेष्टुरेण्टमा सम्पन्न भएको हो । थप खबर......
कार्यकर्मका बिशेष अतिथिहरुमा म्याग्दी उधोग बानिज्य संघका काका सदस्यहरु क्रमश: राजेश शाक्य,ठाकूर शर्मा र बाबुराम आचार्य तथा म्याग्दी समाज समिति दक्षिण कोरियाका सल्लाहकार तथा एन आर एन पुर्व अध्यक्ष बिनोद कुंवर रहुनु भएको थियो । शनिबार सांझ ९ बजे देखि शुरु गरिएको स्वागत समारोहको औपचारिक कार्यक्रमलाई सम्बोधन गर्दै प्रमुख अतिथि म्याग्दी उधोग बानिज्य संघका अध्यक्ष कुबिर कुमार श्रेष्ठले कृषि ,पर्यतन र जल बिधुत क्षेत्रमा म्याग्दी उधोग बानिज्य संघको भूमिकाको बारेमा प्रकाश पार्नु भएको थियो । उहांले म्याग्दी जिल्लालाई टिमुर उत्पादनको पहिलो जिल्लामा उभ्याउन सफल भएको बताउंदै म्याग्दीमा उत्पादन हुने तिमुर कोरियामा समेत पैठारी गर्न सकिने सम्भावना रहेको बताउनु भयो । म्याग्दी समाज समिति दक्षिण कोरियाका
सचिव बाबुराम शर्माको संचालन रहेको स्वागत कार्यक्रमको दोश्रो चरणमा रात्रीभोजको आयोजना गरिएको थियो ।
